Lokal | 09. mars 2016

Russen samla inn 130 000 kroner

Russen ved Os Gymnas og Os Vidaregåande skule gjorde ein kjempeinnsats då dei tilsaman samla inn 130 000 kroner til Krafttak mot Kreft søndag.

Russen samla inn 130 000 kroner
Russ frå Os VGS (på bilete) og frå Os Gymnas tok søndag eit krafttak mot kreft (foto: CV)
Andris Hamreonsdag 09. mars 2016 14:34

Like sikkert som at russetida kjem i mai er at russen i mars gjer ein humanitær innsats for Kreftforeninga ved å vera med på Krafttak mot Kreft.

Søndag var russ frå Os Gymnas og Os Vidaregåande skule rundt med bøsser for å samla inn bidrag til årets aksjon kor formålet går til forskning på korleis leva med kreft.

– Vi var 27 bøsseberarar som var ute søndag. Totalt samla vi inn omlag 27 000 kroner, så det blei 1000 kroner på kvar bøsse det, fortel Christian Hjelle, russepresident ved Os Vidaregåande skule.

Hjelle fortel at dei opplevde at det var mange som ikkje hadde kontantar, men som då fekk moglegheiten til å bidra via dei andre innsamlingskanalane kreftforeninga har oppretta.

– Det eineste som er synd med det er at vi ikkje får registrert beløpet på oss, men det viktigaste er trass alt at folk bidrag, seier Hjelle.

Blei godt mottatt

Russepresident Ingrid Marie Stokke ved Os Gymnas fortel at dei opplevde litt av det samen, men òg at mange var førebudd på at dei kom og hadde sørga for kontanter.

– Vi har bikka 103 000 kroner på bøssene våre. Det var ganske mange som ikkje var heime, så kanskje skulle vi hatt aksjonen litt seinare på dagen.

– Samstundes var dei som var heime veldig hyggelege. Ei gledeleg overrasking var at det var mange som allereie var faste givarar til kreftforeninga, men også desse hadde funne fram litt ekstra kontanter dei la på bøssene, fortel Stokke.

65 russ frå gymnaset var med på aksjonen.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.