Musikk | 01. mars 2022

Russland og Ukraina var del av turnéplanen

To konsertar i tett program blir avlyste grunna invasjonen.

Aurora, her på Os ungdomsskule for å gi elevane ei gledeleg overrasking i fjor sommar, har tett turnéprogram til september. (Foto: Kjetil Vasby Bruarøy)

Kjetil Vasby Bruarøytirsdag 01. mars 2022 20:14

Aurora haustar gode kritikkar for albumet «The Gods We Can Touch», som kom ut i slutten av januar.

Albumcoveret for Auroras nye album "The Gods We Can Touch".

Les ògNytt Aurora-album får rikelig med ros

Frå mars til september er ho på turné i Europa og Amerika.

På programmet sto opprinneleg ein konsert i Kyiv i Ukraina 6. juli. I tillegg var det planlagt ein førebels uannonsert konsert i Russland.

– Det ligg vel i korta at dei er avlyste, seier manager Geir Luedy til BT.

– Det er berre trist, legg han til.

I mars og april ventar fleire konsertar i Storbritannia, frå 15. til 6. juni skal Aurora halda 15 konsertar i Amerika, 13 i USA, 2 i Canada.

Så ventar Bergenfest på heimbane 16. juni før 10 konsertar på 2 veker andre stadar i Europa, blant anna i Polen, Tsjekkia og Slovakia.

6. juli i Kyiv i Ukraina er avlyst. Dermed blir det pause frå 1. juli i Litauen til Canal Street Festival i Arendal 29. juli og Øyafestivalen i Oslo 13. august.

Så ventar ni konsertar til på kontinentet, frå Paris og Amsterdam til Brussel, Zürich og siste stoppestad; Milano 7. september.