Rykte ut med dykkarar til Austevoll
Då 77-åringen blei funnen våt på ein holme, var eit dykkelag på fem frå Os brannvesen nesten framme.
I 10.20-tida på formiddagen i går blei ein tom fiskebåt funnen med motoren i gang i ei fjøre vest for Stolmen i Austevoll kommune. Sist nokon hadde hatt kontakt med båtførar var i 21-tida tysdag kveld.
Ein søk- og redningsaksjon blei starta, og to redningsdykkarar frå Bergen kom med helikopter. Samtidig var eit redningsdykkarlag frå Os på veg med båt.
– Vi stilte med fire dykkarar og underteikna som dykkeleiar, fortel brannsjef Stein Gjøsund.
Dei hadde kome til ferjeleiet på Hufthamar då gladmeldinga kom; båtførar, ein mann i 70-åra, var funnen, vaken og bevisst, men nedkjølt. Han hadde ramla ut av båten, men klart å svømma til land på ein holme.
Ifølgje BT.no var det tidlegare stortingsrepresentant Magnus Stangeland (77) om forliste, men redda seg sjølv.
Disponerer ny båt i Lysefjorden
– Det er godt at det endte bra! Det er òg fint å sjå korleis gode verktøy og samarbeid styrkar beredskapen på tvers av kommunegrenser, seier Gjøsund.
– Den nye arbeidsbåten til KODE (Museet Lysøen), som vi blant anna blei betre kjent med under storøvinga i april, er større og raskare enn Unik-båten, som vi òg har hatt mykje nytte av.
– Vi kom oss raskt til Lysefjorden og der låg båten klar. Den har god plass til eit dykkelag og vi gjekk med rundt 25 knop over fjorden.
• Les òg: Dette lærde dei av skrekkscenariet på Lysøen (øving)
Dette var andre gong Os brannvesen rykte ut med KODE-båten. Den første var til eit helseoppdrag i vinter.
– Unik-båten, som normalt ligg på Halhjem, blir tatt inn til Os hamn for å styrka beredskapen under Osfest, fortel Gjøsund.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.