- 08. mars 2021

Rykte ut til ei handfull festar

Støy var einaste problem.

Rykte ut til ei handfull festar
Bjørnafjorden lensmannskontor. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 08. mars 2021 08:28

Bjørnafjorden lensmannskontor har hatt ei roleg avslutting på vinterferien, når det kjem til oppdrag ute i felten.

– Vi fekk nokre klagar på støy frå fest, både natt til laurdag og natt til søndag. Det er omtrent einaste innslag i loggen frå helga, seier politioverbetjent Christine Grindstein.

Til saman er det snakk om ei handfull, og ingen av dei festlege laga var med for mange deltakarar, slik blant anna politiet i Bergen og Oslo har meldt om denne helga.

– Støy var problemet, og alle retta seg etter pålegg om å dempa musikken.

Anbefalinga i nasjonale smitteverntiltak er maks fem gjestar, men om gjestane kjem frå same husstand kan du ha fleire.

Reglane for private arrangement i leigd lokale er maks 10 personar samla, eller 20 utandørs, med mindre alle sit på fast (ikkje nødvendigvis fastmontert) plass. Då kan du ha 100 i hus.

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • For heile familien (6 pers)
  • Utan bindingstid
  • Berre 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.