Rykte ut til Samnangerfjorden etter funn av vrakgods

Både politi, helse, Redningsselskapet og Kystvakten blei kopla inn då folk i friluftsområdet i Rolvsvåg i 11.30-tida observerte vrakgods som såg ut til å stamma frå ein båt.

– Det blei etterkvart funne ei skøyte som hadde gått ned mens den låg til kai, fortel politioverbetjent Atle Birkeland.

Etter ei stund fann politiet ut kven som eig båten, og fekk kontakt med vedkomande.

– Ingen skal ha vore om bord då båten gjekk ned, men det var ein del oljesøl som brannvesenet tok seg av.

– Det blir no vurdert om det skal koma ein reaksjon ovanfor båteigar, i samband med aksjonen som blei sett i gang.