Lokal | 05. sep. 2017

Sa nei til endring på Lien-tomta

Plan- og bygningsutvalet vil ikkje gje dispensasjon frå reguleringsplanen for Lien-tomta bak eldresenteret.

Sa nei til endring på Lien-tomta
Slik framstår det nye prosjektet i dispensasjonssøknaden frå Bygg Consept (ill: ABO/Bygg Consept)
Andris Hamretirsdag 05. sep. 2017 08:46

Bildeserie:

Det nye foreslaget består av tre blokker (ill: ABO/Bygg Consept)
Det nye foreslaget består av tre blokker (ill: ABO/Bygg Consept)
1 av 1
Det nye foreslaget består av tre blokker (ill: ABO/Bygg Consept)

Utbygginga av Lientomta gjennom prosjektet som har blitt kalt Hamnehagen har versert i det kommunale systemet siden den fekk den første godkjente reguleringsplanen i 2012. Salet blei ikkje så godt som utbyggjarane ønskja seg og dei såg seg nøydd til å teikna om prosjektet.

I det nye framlegget til reguleringplan blei det foreslege auka byggehøgde og fleire leilegheiter, noko som gjorde politikarane skeptiske.

Då saka kom til 2. gongs handsaming inneheldt prosjektet 58 leilegheiter og blokker opp til seks etasjar. Kommunestyret presiserte i si handsaming at godkjenninga ikkje skullle skapa presedens og at illustrasjonsplanen skulle vera juridisk bindande.

Prosjektet var feil

Torsdag i førre veke kom saka på nytt opp i plan- og bygningsutvalet, denne gong som ei byggjesak og søknad om dispensasjon frå reguleringsplanen.

– Når vi skulle detaljprosjektere etter reguleringsplanen så måtte vi òg vurdera kven vi byggjer for, kor stort vi byggjer og så vidare. Tilbakemeldingane vi fekk frå rådgjevarar blant anna i Obos og Privatmegleren var at størrelsen og variasjonen på leilegheitene var feil. Målgruppa var ensidig og feil. Fleire av husværa fekk for lite lys, sol og utsikt. I tillegg var prosjektet byggteknisk komplisert, noko som var sterkt kostnadsdrivande, forklarte Bjørn-Atle Drange frå plankonsulenten ABO plan og Arkitektur på vegne av tiltakshavar Bygg Concept.

Teikna om på nytt

Etter den erkjenninga har tiltakshavar og arkitektane teikna om prosjektet på nytt og søkt om dispensasjon frå reguleringsplanen sitt krav om at illustrasjonsplanen skal vera førande. I tillegg er det søkt dispensasjon om å auke prosjektet frå 58 til 59 leilegheiter.

– Vi har endt opp i ein fortsatt blokkbebyggelse, men har no ei samanhengande rekke ned langs Hatvikvegen som vil følgje terrenget på ein betre måte. Då har vi fått ei løysing kor ein slepp støyskjerm og kor ein har fått ei mykje hyggelegare fasade mot vegen.

– Prosjektet no innheld 59 leilegheter, nokre små og nokre litt større. Vi har redusert dei gjennomsnittleg frå 92 til 75 kvadratmeter. Total BRA er redusert med 2000 kvadratmeter, slik at den no er 173% , mot 235% i den opprinnelege planen. Vi har fått eit større og meir ope fellesareal i midten og vesentleg betre sol og lystilhøve, gjennomgåande betre utsikt og ein miks som opnar for ny-etablerarar, einslege, mindre familar og større familiar i alle aldre, reklamerte Drange.

Krev omregulering

Trass fagre ord og redusert omfang lot ikkje politikarane seg imponera. Etter gruppemøter konkluderte dei med å seie nei til dispensasjonssøknaden.

– Reguleringsplanen er heilt ny. Utvalet har ei grunnleggande haldning om å vera strenge med å dispensera frå så nye planar. I tillegg er illustrasjonsplanen her juridisk bindande. Eit samla utval konkluderte difor med at dette var så store endringar at det ikkje kan godkjennast med dispensasjon, men at tiltakshavar i staden må komma med ei omregulering, oppsummerte leiar i PBU, Gustav Bahus (Frp) etter møtet.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.