Salmar, kollekt og rikeleg med banning

Bildeserie:

1 av 9

Onsdag var Ausekarane, som sjuande stoppestad på årets turné, innom Os.

Dei energiske ungdomane Tor Endresen og Bjørn Jensen og resten av Ausekarane; Jan Arne Knutsen (gitar/mandolin/banjo), Tore Mæhle (bass/kor), Svein-Tore Hindenes (trekkspel/keyboards/kor) og Espen Vågstøl (trommer), stilte med fire nye låtar.

Gutane fyrte i gang med «Dans» frå start og følgte opp med gamle og nye slagarar, «Ein haug med hits» som plata heiter. Ausekarane har vore 10 år på tur med ferja og gir dei nye låtane ut saman med andre favorittar.

Lekker låt til Kleppevik

Både «Fini Bikini», som dei laga musikkvideo til i fjor, «Måsa» og «Ausedansen» sto på lista. Om «Dans» blir ein like stor hit som bikini-låta blei i fjor gjenstår å sjå, men Tor Endresen sin nye ballade, dedisert til Johannes Kleppevik, var eit nydeleg avbrekk frå det høge tempoet kystkameratane køyrer gjennom store delar av showet.

Like vellykka er dei små samtalane mellom kvar låt, enkelte så dryge at Endresen såg ut til å rødma av kameraten, som faktisk er så god at han vil dela ein fin gevinst med makkaren.

I ruta over ser du cirka 7 minutt av det 2 x 1 time lange showet.

Her kan du sjå video frå showet i fjor.