– Saman fekk vi dette til

Bildeserie:

1 av 14

Etter fem månadar med graving, drenering, asfaltering og montering var det endeleg barna sin tur til å ta leikeplassen sin tilbake.

Les òg: Dette har ungane verkeleg fortent.

Ting tek tid

Til å ta den offisielle opninga hadde skulen invitert ordførar Terje Søviknes.

Orføraren var litt bak skjema, så elevane nytta ventetida til å syngja litt.

Då Søviknes dukka opp, med bergenspressa på slep vart han møtt av «Os-songen»

Ein skulle tru det heile var planlagd og regissert på førehand. «Timinga» var i alle høve perfekt.

Søviknes opna med å gratulera alle med dagen. Vidare fortalde han om det gode samarbeidet som ligg bak det nye uteområdet;

– Sjølv dette har teke tid, er det eit prov på kva vi kan få til saman. Her har skulen, FAU og ulike einingar i kommunen verkeleg jobba fram eit godt resultat.

Snorklipping og så 1-2-3-leik!

Søviknes kunne òg fortelja kva det første ein lærer på ordførar-skulen er; nemleg det å klippa snorer.

Saman med sjuandeklassingane og elevrådsrepresentantane Dea Soshi og Gard Thunold Hjelle fekk Søviknes god assistanse til å klippa snora, og med det offisielt opna det nye uteområdet.

Med den sperringa vekke storma elevane inn på plassen og tok området attende.