Lokal | 17. apr. 2019

Samla inn 1750 kroner til barn i Myanmar

Isaac, Julianna og Jakob laga popup-kafe på Steinneset.

Samla inn 1750 kroner til barn i Myanmar
Isaac Saul, Julianna og Jakob samla nyleg inn 1750 kroner til organisasjonen «Kids Action for Kids». Pengane kom frå sal av pannekaker, skillingsbollar og saft til turgåarar og naboar på Steinneset. (Foto: privat)
Kjetil Osablod Grønvigh
Kjetil Osablod Grønvighonsdag 17. apr. 2019 11:02

Bildeserie:

Popup-kafeen trakk mykje folk i solskinnet. (Foto: privat)
Popup-kafeen trakk mykje folk i solskinnet. (Foto: privat)
Hjelp til born i Søraust-Asia frå Steinneset. (Foto: privat)
Hjelp til born i Søraust-Asia frå Steinneset. (Foto: privat)
Pengane kjem godt med , fortel Wenche Lyssand, som sjølv reiser til Myanmar i mai. (Foto: privat)
Pengane kjem godt med , fortel Wenche Lyssand, som sjølv reiser til Myanmar i mai. (Foto: privat)
1 av 3

Dei tre unge hjelparane ville gjera noko for organisasjonen Kids Action for Kids fortel bestemor, og pannekake-steikar, Wenche Lyssand.

Den norske organisasjonen vart grunnlagt i 2009, og har som mål og hjelpa vanskelegstilte barn i Søraust-Asia.

Wenche har tidlegare samla inn store summar til arbeidet. Under marknadsdagene i 2017, samla Wenche og andre frivillige inn pengar til 10 operasjonar.

Isaac var innropar

Søndag for halvanna veke sidan rigga dei unge hjelparane til kafe i nabolaget på Steinneset.

Wenche fortel at Isaac var innropar, så alle som var på søndagstur i området kunne ikkje unngå å få med seg tiltaket. Med mormor sine pannekaker, mamma sine skillingsbollar og saft som salsvarer, samla dei inn 1750 kroner til hjelpearbeidet.

– Vi vil takka alle som stoppa og var med og samla inn pengane, desse kjem godt med, seier Lyssand.

Ny tur til Myanmar

I 2016 var Lyssand sjølv til Thailand og deltok i hjelpearbeidet.

Då ho kom heim sa ho at ho var langt frå ferdig med engasjementet sitt.

4.-7. mai skal Lyssand på eit nytt «operation-mission», denne gongen til landsbyen Dyin Oo Lwin, to timar nord for Mandalay i Myanmar.

– Eg ser på ny fram til å få vera med på dette viktige hjelpearbeidet. Pengane vi samlar inn her i Noreg gjer verkeleg ein stor skilnad for mange, avsluttar Lyssand.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.