Samla inn rundt 50.000

Soul, humor, alvor og jazz, støttekonserten i Os kyrkje blei både stemningsfull og innbringande.

image
image
image
image
image
image
image
image
image
image
Av: Kjetil Vasby Bruarøy

Rundt 250 personar benka seg sundag kveld i kyrkja for å få med seg artistdugnaden for Kirkens Nødhjelp sitt arbeid i jordskjelvramma Haiti.

- Det blei ei god stund i kyrkja, eg er glad for at vi arrangerte det der, og for at eg som ikkje kan syngja fekk vera med på å arrangera noko slikt, seier kunstnar og ein av initiativtakarane Arne Mæland.

Mæland heldt sjølv ein appell midt i programmet, og over 20.000 kroner kom inn i kollekt. Saman med rundt 25.000 (estimert ut frå besøkstal på 250) kroner i billettsal kom det inn nærmare 50.000 kroner som uavkorta hamnar på Kirkens Nødhjelp sin konto.

Tilpassa program
Alle artistane som blei spurt om å stilla svarde ja, og Os Sokneråd, som var arrangørar, kunne stilla med litt av ein bukett ved instrument og mikrofonar i dag. Ikkje berre det, artistane hadde funne fine, passande melodiar. Nokre av melodiane med svært relevant handling.

Øyvind Vedvik spelte ein melodi om ei japansk landsby som blei ramma av tsunami for nokre år sidan, Norvald Kobbeltvedt framførte saman med dottera Stine og Marita Hjelle ei låt han skrive sjølv, inspirert av ei hending på Haiti etter skjelvet. Guten Kiki og søstera Sabrina blei redda ut av ruinane etter sju dagar.

Osingar har gjeve over 300.000
Kort tid etter jordskjelver 12. januar samla bøssebærarar i Os inn 100.000 kroner til Haiti. Røde Kors samla seinare inn rundt 80.000 kroner.

- Samstundes har Wenche Lyssand gjort ein innsats mot bedrifter i Os og fått inn 90.000 kroner. Med kveldens konsert har osingar, utanom det enkelt har gjeve individuelt, støtta arbeidet på Haiti med over 300.000 kroner. Det skal vi vera stolte over, meiner Mæland.

Fleire saker