Samtykka ikkje i førarkortbeslag

Onsdag var det ein kollisjon mellom ein bil og ein motorsykkel i krysset mellom Hatvikvegen og Hegglandsdalsvegen.

MC-førar blei frakta til Haukeland i luftambulanse, to vaksne og to barn i bilen var uskadde.

Les ògHenta med luftambulanse etter kollisjon

– Det var ein lett MC, og MC-førar er ein gut i tenåra, opplyser politioverbetjent Knut Magnus Fjeld.

Skadeomfang er ukjent.

Politiet har tatt midlertidig beslag i førarkortet til bilførar, ein mann i 40-åra.

– Han samtykka ikkje i beslag, fortel Fjeld.

Innleiingsvis var det mistanke om påkøyrsle bakfrå, men politiet mistenker no at bilførar har brote vikeplikta, og at dette var årsak til kollisjonen.

Bilførar har køyrd på Hegglandsdalsvegen retning Hatvikvegen, MC-førar på Hatvikvegen retning Osøyro.

Ulykka i går var den fjerde i Os med personskade på to dagar.