Sander sørgja for solide siffer

Os på 2. plass spelte fredag borte mot Frøya på 6. plass. Os har framleis Mats Cato Moldskred, Divaldo Cardoso og Frode Storebø ute med skade, men klarer seg fint.

– Vi spelte på ein litt vanskeleg bane, men gjekk ut og tok krigen. Etterkvar sleit vi dei ut og då blei det ball i hatt, seier Os-trenar Tim Henrik Sperrevik.

Fabian Bødtker, som var sterk i innspurten då han kom innpå i førre heimekamp, gav Os leiinga før toppskårarane i avdelinga, Christoffer Hafsås og Marius Mikkelsen, fekk kva si nettkjenning.

– Dette var veldig kjekt å sjå, både dei som starta og dei som kom innpå gjorde ein solid jobb. Det blei ein skikkeleg lagsiger, seier Sperrevik.

Sander Kvittingen kom inn som innbytar og fekk to nettkjenningar i løpet av 11 minutt før slutt.

Steffen Kvamsdal hadde to assist, Rafael Villén og Øystein Takle Eide kvar sin.

Frøya - Os 0-5 (0-2)
Målskårarar, Os: 1-0 Fabian Bødtker (27.), 2-0 Christoffer Hafsås (34.), 3-0 Marius Mikkelsen (46.), 4-0 og 5-0 Sander Kvittingen (74. og 85.)
Os: Anders Fossen Lunde - Torkel Hjertnes, Endre Brenne, Alexander Dale, Harry James Moore, Vegard Skeie - Rafael Villen, Marius Mikkelsen, Øystein Takle Eide - Fabian Bødtker - Christoffer Hafsås
Innbytarar med speletid: Steffen Ljosheim, Steffen Kvamsdal, Anders Havsgård, Alexander Tøssebro og Sander Kvittingen.

Os har siste kamp før ferien heime mot Valestrand-Hjellvik førstkomande onsdag.

• Tabell og terminliste

I mellomtida, i morgon (kl 14), speler Os 2 mot Sædalen på Kuventræ.