Sånn forandra Osfest seg på éin time

Bildeserie:

1 av 16

Fredag var det kvalitet, men ikkje kvantitet - publikum song og dansa allereie frå Kream klokka 19, men var langt frå så mange som arrangørane hadde håpa på.

• Sånn var fredag på Osfest (bildeserie og video)

Festivalsjefen satsa på at laurdag fekk ei tredobling av dei rundt 1000 gjestane første dag.

Han har kanskje fått viljen si.

I finare vêr, og etter ei litt roleg opning, starta det ei folkevandring rett før Postgirobygget skulle på klokka 21.

Stemningsfull start

Allereie 17.30 var første band på scenen. Det sto færre enn fem på grusen då Majorleap entra scenen, men bandet frå Osterøy viste både profesjonalitet og godt humør, spelte som om det var fullt hus og lokka 70-100 gjestar til området før lokale Mighty Magnolias kom på.

Vêret blei stadig finare, Mighty fekk publikumstalet yttarlegare opp, og så overtok Blest. På eit klokkeslett der det fredag var energisk dansing var det no romantisk svaiing. Så drog Blest på med «Ingeborg» og det blei ein og annan high five og litt fart i foten.

Eit tog av folk

Då Blest gav seg rundt 20.30 og fram til Postgirobygget gjekk på scenen klokka 21.00 hadde publikumstalet auka frå nokre hunder til kanskje over to tusen. Det blei kø ute i billettsalet ved Postvegen og i sikkerhetssjekken nede ved kyrkja.

Det var kvalitet å få frå scenen frå start klokka 17.30, og folk hadde nok sine praktiske gjeremål og vorspiel å få unna før ankomst - og brått fekk Osfest publikummet festivalen fortener.

Folkevandringa heldt fram gjennom heile konserten, og Postgirobygget serverte «Idyll» tidleg i programmet og «En solskinssdag» seinare.

Publikum tok av og både Erik og Kriss og TNT heldt trøkket oppe.

TNT spelte frå midnatt til dei runda av med slageren 10.000 lovers in one klokka 01.20. På tampen hadde nokre byrja å trekka ned til Os sentrum, men det var framleis ein god gjeng som fekk med seg låta som var inne på Billboard på slutten av 80-talet.

Midtsiden kjem tilbake med fleire bilde og meir om Osfest-laurdagen.