Satsar vidare

For 8 år sidan starta Vitaltour dei sokalla trivselsreisene i samarbeid med Os kommune. I alle år har dei tilbydd reiser til Kypros frå Bergen. For tre år sidan utvida dei tilbodet til òg å omfatta reiser til Lanzarote.

- No tek vi det eit steg vidare og startar flygingar frå Haugesund og Kristiansand til Lanzarote, fortel marknadsansvarleg Inger Berit Bøyum.

- Vi har tidlegare flydd til Kypros frå desse to stadane, og no tilbyr me altså Lanzarote.

Konkurs opna nye mogelegheiter

Eurocypria som har vore Vitaltour sitt flyselskap til Kypros, gjekk i vinter konkurs. Dette har gjeve den vesle turoperatøren frå Os ei anledning til å sjå på nye marknader og mogelegheiter

- Vi har no tre års erfaring med Lanzarote som reisemål når det gjeld trivselsreiser frå Bergen. Det at vi fekk ei utfordring med fly til Kypros, gjorde valet relativt enkelt i høve til å tilby eit nytt reisemål til Haugalendingane og dei frå Kristiansand, fortel Bøyum.

Vitaltour tilbyr framleis reiser til Kypros frå Bergen og Oslo.

Fellesskapsreiser for psykisk utviklingshemma

Eit av dei andre konsepta til Vitaltour er å tilby reiser for psykisk utviklingshemma. Også dette konseptet blei først utvikla i samarbeid med tilsette i Os kommune.

- Det har vore ein absolutt suksess, seier Bøyum.

God start på sumaren

Både trivselsreisene og fellesskapsreisene arrangerar Vitaltour til hausten. I mellomtida er det full fokus på vanlege sol- og bad reiser til Kypros i sumar.

- Salet har vore bra så langt i vår. Det første flyet sendar vi nedover 9. juni og eg har god tru på at vi skal klara å fylla det godt opp, avsluttar Bøyum medan ho ser utover regnbygene over Os hamn.