Næringsliv | 23. mars 2014

– Say cheese!

Sjømat, spekemat, kortreist delikatesse og eit rikt utval av ostar: I morgon opnar Gastronomen i Os sentrum.

– Say cheese!
John Widar Storli, Brynhild Larsen, Maria Hatvik Larsen, Ole Erik Jansen, Laila Fjellberg og Ingrid Storenes. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 23. mars 2014 21:43

Bildeserie:

Fisketorget Os har blitt Gastronomen. (Foto: KVB)
Fisketorget Os har blitt Gastronomen. (Foto: KVB)
Sjømatdisken har blitt eiga avdeling. (Foto: KVB)
Sjømatdisken har blitt eiga avdeling. (Foto: KVB)
Ved vindauget skal det koma saltvatn-akvarium. (Foto: KVB)
Ved vindauget skal det koma saltvatn-akvarium. (Foto: KVB)
John Widar med kortreist syltetøy. (Foto: KVB)
John Widar med kortreist syltetøy. (Foto: KVB)
Kafé og butikk. (Foto: KVB)
Kafé og butikk. (Foto: KVB)
Pasta frå Italia. (Foto: KVB)
Pasta frå Italia. (Foto: KVB)
Salt frå Himalaya. Verdas beste? (Foto: KVB)
Salt frå Himalaya. Verdas beste? (Foto: KVB)
Gamle bilde av familien Lepsøe har kome på veggen. (Foto: KVB)
Gamle bilde av familien Lepsøe har kome på veggen. (Foto: KVB)
1 av 8
Fisketorget Os har blitt Gastronomen. (Foto: KVB)
Sjømatdisken har blitt eiga avdeling. (Foto: KVB)
Ved vindauget skal det koma saltvatn-akvarium. (Foto: KVB)
John Widar med kortreist syltetøy. (Foto: KVB)
Kafé og butikk. (Foto: KVB)
Pasta frå Italia. (Foto: KVB)
Salt frå Himalaya. Verdas beste? (Foto: KVB)
Gamle bilde av familien Lepsøe har kome på veggen. (Foto: KVB)

Det tok litt lengre tid enn venta, med ombygging og godkjenning, frå fiskebutikk til kombinert delikatesseforretning og kafé.

– Sjølv om vi har venta litt på å få godkjenninga blei det litt travelt no i innspurten, med vareplassering og prising, seier John Widar Storli.

Saman med Brynhild Larsen og Ole Erik Jansen kjøpte han Fisketorget Os av Turid Leikvoll Hjelle før jul. Dei nye eigarane har halde på fiskedisken, salatbaren og to av dei tilsette frå Fisketorget, Laila Fjellberg og Ingrid Storenes.

Heile lokalet er bygd om og innreia på nytt. I morgon, måndag, opnar ein fancy og spennande butikk og kafé i Brugata, når Gastronomen har sin første dag i drift.

Bygger akvarium

– Vi gler oss veldig til å fylla fiskedisken igjen. Den siste tida har vi vore på kurs med den nye kjeden vår, Smak av Kysten, og på kaffikurs, fortel Ingrid.

Sjømatavdelinga får dessutan ein ny installasjon.

– Vi vil bygga eit akvarium med saltvantn og skaldyr i. Det kjem på plass om nokre veker.

– Frukost, kaffi og lunsj

Gastronomen skal ha ope frå formiddag til sein ettermiddag, men bortsett frå fiskesuppe er det fokus på kalde rettar.

– Vi konsentrerer oss om kaffi, frukost og lunsj, i tillegg til catering. Men det blir fleire nye smakar for folk, for eksempel dei som prøver seg på ein osteplanke, med assorterte typar ost og litt chutney å dyppa i.

– Saman med sjømatavdelinga få butikken mykje fokus. Vi har mange spennande varer å by på, lover Storli.

Sjømatavdelinga har no ein eigen glasbås i lokalet, resten er bygd om til kafé og butikk.

Verdas beste sennep

I to store diskar ved kaffibaren er det tett i tett med ostar og kjøt.

– Vi har rundt 30 typar ostar. Nokre er kortreiste, som ost frå Tysnes og frå Bergen, andre er frå ulike plassar i Noreg, Italia, Frankrike og Sveits.

Også i kjøtdisken er utvalet variert, frå Evanger til Italia.

– Blant kortreise varer har vi også cider og syltetøy frå Hardanger og Lærdal. Frå Danmark har vi økologisk sjokolade, frå Sverige har vi fått inn verdas beste sennep, frå Himalaya har vi verdas beste salt.

– Dette blir som ein butikk der du kan setja deg ned, ein handletur med låge skuldre og sjanse til å få seg ein smaksprøve, seier Storli søndag ettermiddag, berre timar før opning.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.