Segla inn til siger
Geir Bjørkeli og Huisman Norge AS med prestisjetung siger saman med kundar frå Kina og Os.
Bildeserie:
I skarp konkurranse med 15 andre båtar, blant anna frå Kongsberg Maritime, Ulstein og Rolls-Royce, gjekk Huisman Norge AS til topps i Arctic Offshore og Arctic Securities sin seglas i indre Oslofjorden fredag.
– Vi hadde med oss gode kundar som mannskap, blant anna osingen Kjetil Hagland (teknisk direktør hos Ocean Installer), fortel regionsdirektør i Huisman Norge AS, Geir Bjørkeli, også han frå Os.
Topptung seglas med internasjonalt «nivå»
Deltakarane i seglasen er leiarar frå ulike offshorebedrifter i Noreg, med gjestar.
– Det var naturlegvis spesielt hyggeleg å slå kjepphøge sunnmøringar og stramme oslomeklarar i denne seglasen, seier Bjørkeli, klar for sigersfest fredag.
Huisman hadde toppleiinga i CIMC Yantai, China Merchant Capital og TechnipFMC som mannskap.
– Vi hadde med oss kinesarar som har vore med på det meste, men som aldri har vore om bord i ein seglbåt før. Etter eit bra strategimøte torsdag kveld var seglasen fredag ei god oppleving for alle, seier Geir.
Spennande? Vil du ha ukas høgdepunkt i innboksen?
Les meir om
Tilgang til alt innhald for berre 145 kr i månaden
Di støtte gir liv til lokalavisa vår. Vi set stor pris på om du hjelper oss å spreia nyheitene!
- Tilgang til alt innhald
- Under 37 kr/veka
- Utan bindingstid
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.