Sel godt på Os

Den siste veka har både Immortal og ORBO & The Longshots kome med nye album. Starten har vore god for begge.

Kjetil Vasby Bruarøy
Kjetil Vasby Bruarøyfredag 02. okt. 2009 14:54

Fredag for ei veke sidan kom Immortal med "All Shall Fall", og måndag hadde ORBO & The Longshots release på "Masquerade". Begge platene er for sal hos Musikkverket Playcom på AMFI Os.

- Til no har eg selt 14 av ORBO og 16 av Immortal. I tillegg har eg 6 som har bestilt "All Shall Fall" på vinyl, desse kjem inn måndag, fortel innehavar Tor Owe Rennemo.

- Dette er ein ganske god start for begge. ORBO fekk ein ufortent 3-ar hos BA, denne er minst like god som "High Roller". Kanskje den er med på at salet er noko lågare enn førre plate, legg han til.

At ORBO hadde mange osingar på sleppefest i Bergen sundag, gjer nok at store delar av fansen allereie har sikra seg det nye albumet.

Om ORBO fekk 3 i BA kan han likevel sjå seg nøgd med 5 og strålande kritikk i Opplands Arbeiderblad.

Immortal til topps
Ifølgje Midsiden.no sine kjelder suste Immortal rett inn på 11.plass på den tyske rockelista allereie på releasedagen. Over helga klatra dei til 2. plass. "All Shall Fall" er også på VG-lista, på 23. plass første veka.

Plateanmeldarane er også nøgde, Immortal får 5 i BA og 5 i BT.

Midtsiden.no har ikkje lukkast i å koma i kontakt med verken Ole Reinert Berg-Olsen eller Olve "Abbath" Eikemo i dag.



Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.