Ser Osøyro under eitt
Kommunen startar arbeidet med områdeplan for Osøyro.
I plan- og bygningsutvalet torsdag vil politikarane få presentert administrasjonen sine tankar om arbeidet med ny områdeplan for Osøyro.
Planområdet strekk seg i framlegget frå industrikaien ut mot Oseana, på begge sider av elva opp til gamle osbrua.
Kommunestyret fatta i mars 2014 eit vedtak som sa at kommunen, med utgangspunkt i stads- og moglegheitsanalysen frå AsplanViak, skulle utarbeida ein ny områdeplan for Osøyro som ersatning for kommunedelplanen frå 2008.
Arbeidet vil bli leiia av Henning Wenaas Ribe og Haldor Fosse på planavdelinga i kommunen.
Dei ser for seg følgjende team i planen:
1. Tilrettelegge for ny bustader, forretning-, tenesteyting- og kontorverksemder.
2. Transformasjon av eksisterande sentrumskjerne og utviding av sentrumsstrukturen mot Esso-tomta og Finnebrekka.
3. Vurdere byggegrense mot Oselva
4. Gangbruer over Oselva
5. Ei skjerma gjestehamn
6. Elvepromenade aust og vest om Oselva
7. Parkering for bil/sykkel
8. Kvalitet i utforming av bygg og felles uteareal
9. Tilhøve for gåande og syklande
10. Historiske, kulturelle og identitetsberande element for Os
11. Born og unges interesser i sentrum
I følgje saksframlegget ser ein for seg oppstart no i 2015, med ei utgreiingsfase som strekk seg gjennom 2016. Ein godkjend ny plan vil truleg kunne vera ferdig rundt årsskiftet 2017.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.