Serlina til torgdagen

Donkeyboy, Jan Eggum og HotShots er allereie klare for å spela på kvelden på Vinnesfestivalen. No lanserer festivalen som feirer 10årsjubileum i år ei ny nasjonal stjerne i unge Serlina.

Siden Serlina slo gjennom med superhiten «Målløs» saman med Skei & PT for snart to år sidan har ho gjort stor sukess som songar og låtskrivar.

– Det er utroleg kjekt å kunne ønske Serlina velkommen til Vinnesfestivalen sin torgdag! Dette er ein nyhende me har gleda oss til å fortelle, ettersom vi legger stor vekt på at torgdagen skal være ein dag for alle, både store og små. Serlina er allerede blitt en pop-prinsesse i Noreg, og me ser fram til å ha ho hos oss, seier Werner Skaathun, festivalsjef for Vinnesfestivalen.

«Eg digger deg»

«Målløs» blei lista på NRK MP3 og har blitt strauma over 5,1 millionar gonger på Spotify. Oppfølgaren «Puste under vann» nærmer seg dei same tala og er eit nytt bevis på Serlina sitt talent for både komponering og framføring.

Denne våren er ho klar med ny musikk, først og framst «Eg digger deg», ei klassisk feel-good låt som kjem til å bli spelt varmt gjennom sommarmånadene.

- Ikkje bare ungdommen er kjend med Serlina sine sangar, for dette har blitt spelt so mykje på radio at også dei litt opp i åra kjenn igjen låtene hennes. Og det er selvfølgelig perfekt for oss når dette skal være for heile familien! No har me både store artistar på dag- og kveldstid, og det er me fryktelig fornøyd med!

Lover tidenes festival

Trass sin unge alder, Serlina er russ i år, er ho vant med å spele på dei store scenen. For kort tid sidan spelte ho saman med The Main Level, i tillegg til at ho var med på Vinterlyd-turneen til P4 kor ho sto på scenen saman med Donkeyboy, Nico & Vinz, Madcon og CLMD.

– På torgdagen til Vinnesfestivalen stiller Serlina både med musikarar og DJ, og kan melde om at det vil bli mange hits frå scenekanten.

– Kva ein ellers vil få oppleva på torgdagen kjem vi tilbake til etterkvart, men det ser veldig lovande ut, og vi gjer oss klare for tidenes festival på Vinnesholmen, avslutter Skaathun.