Sesongopning i Myrkdalen

«Endeleg nysnø! Det har kome 25-30 cm i natt», skreiv Myrkdalen på si Facebook-side onsdag morgon.

Same kveld stadfesta dei at det blei opning til helga.

I dag fortel dei at det er - 3 gradar og snøvêr, 10-15 cm nysnø og at både Myrkdalsekspressen, Kari Traa-trekket og Badnabakken er open (men eit redusert tal på løyper er preppa).

Snø på Voss og i Eikedalen

Også Voss Resort og Eikedalen Skisenter meldte om snø ondag.

«I dag fekk me 30 cm nysnø. Det hjelper på når me jobbar mot opning, men me har diverre ikkje nok til å opna denne helga. Det skal snø litt dei neste dagane og i neste veke, så kryss fingrane for neste helg» seier dei på Voss.

I Eikedalen kom det 10 cm kram snø natt til onsdag. Også fredag kveld snødde det tett i alpinanlegget nærmast Os.