Set opp kurs

- Tidlegare var det fritidsbåtskipperkurs (løyve til å føra båtar lengre enn 15 meter) det gjekk mest i, men no opplever eg at fleire og fleire etterspør kurset for dei mindre båtane også, fortel kapteinen.

Han er glad for kravet som er komen om båtførarbevis, men skulle gjerne ha sett at det også gjaldt for dei over 30 år.

Sjå òg: Éin av fire har lov

- Eg har hatt eldre båtførarar på kurs som fortel at no har dei endeleg fått satt ting i system og forstått korleis dei skal te seg seg på sjøen. Mange har nok tidlegare berre gjort det dei har trudd var rett, fortel Olsen.

Usikre yrkesførarar
Den aktive kapteinen fortel at fleire av hans kollegaer på sjøen seier dei er usikre når dei møter fritidsbåtar. Veit båtføraren dei møter korleis dei skal oppføra seg når dei møter eit skip i nyttetrafikk, eller turar dei berre på som dei vil?

- Hadde det vore eit krav om at alle som skulle ferdas på sjøen hadde kurs, ville vi som driv profesjonelt ha vore tryggare på at dei vi møter visste kva dei dreiv med, seier han.

Intensive kurs i mai/juni
Etter at Midtsiden.no tok kontakt for å få ein kommentar til innføringa av båtførarbeviset frå 1. mai bestemte Tom Olsen seg for at han ville setja opp to intensive båtførarkurs i Os.

Medan vi snakka saman kom han fram til at han vil setja opp to kurs så fort han kjem på land igjen. Begge kursa blir avslutta med eksamen, kor deltakarane får 50 spørsmål dei må svara på. For å bestå prøven må ein ha 80% rett.

- Eg set opp eit helgekurs laurdag 29. og sundag 30. mai frå klokka 10 begge dagane og eit kveldskurs over fire kveldar veka etter.

Familierabatt
- Siden dette blir to kurs spesielt for osingane blir det også spesialprisar og familierabatt, lover Olsen.

Staden for kursa er ikkje bestemt enno, men dei blir sentralt i Os. Det må vera minst 10 deltakarar for at kursa blir halde.

For meir informasjon og påmelding til kursa, sjå Tom si heimeside: www.fritidsbaatskipper.no