Siger til Tina og Lisa

Paul Ø. Mehammer og Svein Skoglund vann kvar sin klasse i tysdagens trimmingsseglas.

Kjetil Vasby Bruarøyonsdag 19. mai 2010 07:38

Som i dei andre seglasa denne sesongen fekk seglarane sol då dei tysdag la ut på ny regatta. Denne gong var det andre trimmingsseglaset for vårsesongen som sto for tur, og saman med sola kom det bra med vind, 9-10 m/s.

Løpet gjekk frå Strøneosen til runding Teistane ved Skorpo, runding målbøye i Strøneosen, ny runde rundt Teistane og tilbake.

- På første legg leiaIna Kristine med Janet Lepsøy og Tina for II med Svein Skoglund feltet (begge lys 1.16) før dei blei tatt igjen av Marlin med Hermod Opstvedt (Lys 1.29) rett før runding, skriv regattakomiteen i ei pressemeling.

Vinden var så sterk at dei fleste hadde sett mindre genoa på første legg, spinnakarane kom opp etter runding og båtane fekk god fart på lens ned til Strøneosen igjen.

Marlin sette ikkje spinnakar, om det var fordi det var 18. mai veit vi ikkje ... Dei segla godt, men utan spinnakar ikkje godt nok til å hevda seg resultatmessig.

Tina for II sette den minste spinnakaren og fekk derfor god kontroll på skjæring og jibbing. Feltet var tett og det blei en del taktisk segling fram til runding botnmerket.

Vinden var løyande og det blei bytta til den største genoaen under spinnakar-seglasen. Genoa blei heist rett før runding og spinnakar ned tidsnok til å runde merket, ny kryss nordover igjen, og fordekket måtte så ryddast fort for å kunne slå til nye halsar.

Vinden hadde no løya så mykje at segla måtte justerast og tilpassast den mindre vinden. Båtene kunne då halda rundt 6 knop på den siste kryssleggen nordover igjen, ny runding Teistane, spinnakerne kom opp på nytt for å sløra mot mål.

Tina for II valte no å heisa den største spinnakaren. Noko kluss med å få den til å stå perfekt undervegs, men etter jibbing og litt meir skjæring sto den perfekt. Det blei skikkeleg kniving mellom Marlin, Ina Kristine, Tina for II og Lisa (lys 1.23) med Paul Ø. Mehammer, som verkeleg hadde fått opp farten inn mot mål.

Siste stykket inn mot mål låg Lisa og Tina for II side om side og gjekk over mållinjen samstundes framfor Ina Kristine og Marlin. Rett bak kom Marelle med Sigbjørn Paus (Lys 1.18) og Stella med Terje Rønning Eltvik (Lys 1.24)

Når tid blei ganga med lystalet for å få korrigert tid blei resultatene slik:
(Lystall: Lys 1.0 = 0min i tillegg pr 100min. Lys 1.20 = 20min pr 100min)

Plass overll i parantes.

Minste klasse t. o. m. Lys 1.20:
1 (1) ”Tina for II” (1.16) med Svein Skoglund, tid 2tim. 7min 51sek.
2 (2) ” Ina Krisatine” (1.16) med Janet Lepsøy, tid 2tim 8min 49sek.
3 (4) ”Marelle” (1.18) med Sigbjørn Paus tid 2tim 16min 26sek.

Største klasse f. o. m. lys 1.21:
1 (3) ”Lisa” (1.23) med Paul Ø. Mehammer tid 2tim 9min 24sek.
2 (5) ”Marlin” (1.29) med Hermod Opstvedt tid 2tim 16min 41sek.
3 (6) ”Stella” (1.24) med Terje Rønning Eltvik tid 2tim 17min 11sek.

Du kan sjå heile resultatlista på www.os-seilforening.org

Regattakomiteen