Os Fotball A-lag | 19. juni 2022

Sigeren glapp i Oslo

Zlatan-skåring av Fosen, underkjent skåring av Sperrevik og raudt kort til Mikkelsen.

Corneren som Fosen flikka inn til 0-1-leiing. (Lesarbilde)
Kjetil Vasby Bruarøy
Kjetil Vasby Bruarøysøndag 19. juni 2022 17:22

Os spelte i dag 11. serierunde borte mot Lokomotiv Oslo.

Os sitt lokomotiv, Roger Ekeland var åleine med keeper før Henrik Tysse Sperrevik skaut ballen i tverrligger og ned, eit skot som ikkje blei loggført som mål.

I opptak på Direktesport er det vanskeleg å sjå sjølve ballen, men gummikulene som sprett opp der ballen landa ser alle ut til å vera samla på innsida av målstreken.

Os gjekk likevel i føringa.

Niklas Lunde Fosen sto på første stolpe, der han vippa ballen frå hoftehøgde med utsida av hælen, over forsvar og keeper innanfor lengste stolpe til 0-1 i 25. minutt.

I forkant skaut Torgeir Lunde eit forsøk på klarering av corner i tverrligger, men denne spratt opp og ut, ikkje ned og inn.

9 minutt seinare utlikna heimelaget, og 1-1 sto seg kampen ut.

Lokomotiv Oslo - Os 1-1
Målskårar: Niklas Lunde Fosen
Tropp og kampfakta på fotball.no

– Det var nokre sjansar begge vegar, likevel kjennest dette ut som tap av to poeng. Lokomotiv Oslo framsto som eit lag vi bør slå, men vi kom aldri opp på nivået vårt skikkeleg i dag, seier Os-trenar Endre Brenne.

Dette var Os sin andre uavgjorte på rad, men fjerde utan tap.

Os blir liggande på 4. plass etter poengdelinga, takka vera at Grorud 2 på 5. plass tapte 3-2 borte for Lyn i dag.

Men avstanden til 1. plass auka frå 4 til 6 poeng.

Mikkelsen utvist

I 83. minutt hindra Marius Mikkelsen eit kontringsforsøk, i ein god Os-periode, og fekk raudt kort.

Dermed må kapteinen stå over neste seriekamp, som går heime mot serieleiar Lyn førstkomande laurdag.

Men i cupen kan han spela, så Brann treng ikkje føla seg for trygg i buss på veg over Vallaheiane onsdag.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.