Fotball | 07. juni 2019

Sigeren glapp i sluttminuttet

Os leia to gongar over Brann 2.

Sigeren glapp i sluttminuttet
Mats Cato Moldskred, her mot Fyllingsdalen, sendte Os i leiinga tre minutt etter avspark. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 07. juni 2019 20:28

Os spelte fredag kveld bortekamp mot Brann 2.

Os gjekk i føringa allereie etter 3 minutt, og leia 1-2 fram til 89. minutt.

Brann 2 - Os 2-2 (1-2)
Målskårarar, Os: Mats Cato Moldskred (assist: Ekeland) og Marius Mikkelsen (assist: Moldskred)
Os: Chris Sunde Midtun - Anders Havsgård, Vegard Strønen Skeie, Torgeir Lunde, Harry James Moore - Rafael Villén, Steffen Kvamsdal (Henrik Sperrevik), Marius Mikkelsen - Sander Kvittingen (Simon Aasen), Mats Cato Moldskred og Roger Ekeland.

Os måtte klara seg utan Frode Storebø og Carlos Mendes, men har fått tilbake Vegard Skeie. Moldskred, som var på reise i førre serierunde, var óg tilbake.

– Eg synest vi gjorde ein god kamp i dag, spelte med mykje energi og leia fortent til pause, seier trenar Endre Brenne.

– På stillinga 1-2 hadde vi ein kjempesjanse. Marius kom seg gjennom og hadde med seg Simon. Kapteinen vår, som gjorde ein kjempejobb i dag, missa dessverre.

2-2-skåringa kom på retur av skot frå spelar som kom seg åleine med keeper.

– Vi blei litt baktunge mot slutten, og låg for flatt då dei fekk tredd gjennom ein spiss. Chris redda fint, men dessverre gjekk ballen inn.

Brann 2 stilte med blant andre Karadas, Löfgren, Marengo og Rismark. David Tufta skåra begge måla til Brann-reservane.

Os stilte med mange unge osingar, blant anna heile bakre firar, der dei to eldste er 21 år.

– Alle gjorde ein solid jobb i dag. Heller enn å vera skuffa over at ikkje det blei tre poeng vil eg vi skal gle oss over eit viktig poeng og ein godt gjennomført kamp. Vi fekk òg nokre fine ord frå Brann 2-trenar Roger Naustan, som har sett fleire av kampane våre i år, og seier han synest vi hadde fortent fleire poeng.

Med siger i dag ville Os ha kome a-poeng med 4. plass, men ligg no på 9. plass, likt i poeng med Brann 2.

Neste kamp går heime mot Strømsgodset 2 måndag 17. juni.

• Tabell og terminliste på fotball.no

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.