Lokal | 31. okt. 2013

Sikra deponi

Etter hektisk møteverksemd onsdag morgon godkjende Bergen Bystyre deponi for massane frå E-39 i Hordnesskogen onsdag kveld.

Ordførar Terje Søviknes (Frp) hadde ein hektisk kveld på telefon etter kommunestyret for å få Bergen kommune og vegvesenet til å bli einige (Foto: KMAL)
Andris Hamretorsdag 31. okt. 2013 08:11

Det var ei viss spenning knytt til bystyremøtet i Bergen, også for osingar, onsdag kveld. Ville dei godkjenna massedeponia for E-39? Utfordringa var at kommunen i reguleringsarbeidet hadde satt rekkjefølgjekrav som vegvesenet ikkje kunne godkjenna.

– Det var hektisk aktivitet etter kommunestyretmøte på tysdag då eg orienterte om ståa.

– I løpet av kvelden var eg på tråden med både byråd Filip Rygg og regionvegsjef Helge Eidsnes.

– Onsdag morgon klokka halv ni satte dei seg i eit meklingsmøte og kom fram til eit kompromiss som gjorde at vegvesenet trakk motsegnet dei hadde fremja, fortel ordførar Terje Søviknes (Frp).

Hordnesskogen litt lite

Bystyret i Bergen godkjende reguleringsplanane for Hordnesskogen og Liavatnet.

– Med det vedtaket er Hordnesskogen tilgjengeleg.

– Ei lita utfordring er det rett nok. Hordnesskogen dekkjer ikkje heile behovet frå E-39.

– Liavatnet blei òg godkjent, men der står det rett nok i saksframlegget at det deponiet helst skal prioritera andre prosjekt Bergen kommune er i ferd med å fremja framfor E-39.

– Eg håpar no at ein skal kunne koma fram til ei avtale om det trengs. No har vi i allefall Liavatnet som ein backup og saka bør kunne gå til regjeringa og stortinget, seier Søviknes, som er glad det ordna seg.

– Det viser berre at ein er nøydd til å vera 100% på heile vegen, avsluttar Søviknes.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.