Sikra mot utrasing

Dei siste dagane har det vore gjort arbeider på vestsida av den gamle Osbrua oppe i Oselvo. Brua kviler inn mot ein gamal gråsteinsmur, som når elva er høg, blir usett for store krefter og risiko for utvasking av stein og grus mellom laga.

– Det er ikkje noko dramatikk i det arbeidet vi har gjort no.

– Vi har gjort eit reint vedlikehaldsarbeid med å støpa ein mur nederst.

– Det er eit tiltak for å sikre at det ikkje skjer utrasting, fortel leiar for teknisk drift, Marianne Kramer.

Arbeidet måtte naturleg nok gjerast når elva var liten og tilkomsten god.