Silja Sol supportar Aurora

Bildeserie:

1 av 1

Då Aurora for eitt år sidan hadde sin første store heile konsert heime i Oseana. Då sto ei ung dame frå Bergen to steg bak Aurora som kor, Silja Sol.

Dette var den siste konserten der dei to unge stjerneskota sto saman på scenen. Silja Sol hadde nemleg bestemt seg for å satsa på si eiga solokarriere.

Når Aurora held konserten i Oseana laurdag i neste veke skal dei to igjen stå på same scene. Først Silja Sol som support klokka 21, før Aurora går på scenen timen seinare.

– Det er stas å få begge to på same scene som soloartistar med kvar sin konsert. Dette blir to i éin for dei 1100 som har vore så heldige å ha skaffa seg billett, stråler Janne Mari Hjelle, arrangements- og marknadskoordinator ved Oseana.

Femmarar på rad

Det er berre vél eitt år sidan Silja Sol fengja norske hjarter med «Stemning» og debutalbumet «På Hjertet». 22. januar slapp ho oppfølgaren «Væremeh».

For begge albuma høstar Silja Sol strålande kritikker og femmarar på terningen.

– «Væremeh» bekrefter et følelsesmessig varierende temperament som gjør Silja Sol vanskelig å plassere. Det er en betydelig styrke ved albumet, skriver Dagsavisen i sin anmeldelse.

– Et album som fortjener et stort publikum, meiner Gaffa.

– Noe av det mest interessante som foregår i norsk pop for øyeblikket, hevder P3.

Ut av komfortsonen

«Væremeh» er på same spor som «På Hjertet», men det er ein meir sjølvsikker og tydeleg Silja Sol. Ho veit kva ho vil og korleis ho vil ha det. Ho vil "væremeh", gå litt ut av komfortsonen og inn i blinsonen, slenge seg på i stedet for å vente på en invitasjon.

Alle vil væremeh, i følgje Silje Sol, og då er det viktig å seie i frå.

– Si heller "Eg vil væremeh!" enn å vente på at alt mogleg skal skje. Men det er òg viktig å spørje "Vil du væremeh", seier Silje Sol i ei pressemelding.

Eit stort år

2015 var eit stort år for Silja Sol, med Spelemann-nominasjon, Urørtfinale og opptredner på nokre av landets største festivalar som Øyafestivalen, Slottsfjell, Bergenfest og topp-10 plassering på "Årets beste"-listene til Dagbladet, VG, DN og Bergensavisen.