Fintesterk hjort på Skeie 2014

Sjå, hjorten speler fotball!

VIDEO: Ein uredd og leiken hjort har overtatt fotballbanen til Fredrik Strønen Skeie (7). 

Av: Kjetil Vasby Bruarøy

VIDEO: Sjå hjorten leika seg med fotballen. (Foto: Anne Strønen)

Ein av trenarane til Os-alliansen, tidlegare proffspelar Jan Frode Skeie, har speida seg fram til eit nytt talent.

– Han kjører på og viser at han kan både solevending og overstegsfintar, fortel Jan Frode om hjorten som har gått i hagen hans dei siste vekene.

Sjølv måtte han nøya seg med video av hjorten og yngste sonen som spelte fotball saman, mamma Anne Strønen hadde heldigvis filma delar av det.

SJÅ VIDEO NEDST I ARTIKKELEN

– Hjorten har vore i hagen vår og ete eple nesten kvar dag i det siste, og no har han byrja å leika med fotballen.

– Han sprang nokre meter vekk etter ei stund, men då Fredrik skaut ballen bort igjen til han, så var det på 'an igjen.

– Han trilla også ballen mot Fredrik igjen, omtrent som om han ville senda ballen tilbake. Dessverre gjekk eg tom for minne på telefonen, for hjorten kom endå nærmare enn kva vi ser på videoen, seier Anne.

Fleire fotballøkter

Familien Skeie, som bur nær kyrkja på Skeie, har også ein re-bounder (ein vegg av eit fotballnett) ståande i hagen.

– Det var tysdag i førre veke vi filma han på fotballbanen i hagen. Kvelden etterpå var han borte og vippa ballen mot veggen gong på gong.

 

Fleire saker