Sjekk reaksjonen!
VIDEO: Det var vill jubel i klubbhuset då Idol-Eirik blei ropt opp som ein av to vinnarar av semifinalen. – No blir det fleire vaker, seier bandkamerat Kjetil Osablod Grønvigh.
Onsdag gjekk osingen Eirik Søfteland og Ola Weel Skram frå Sogndal vidare frå fjerde av fem semifinalar i Idol.
Les òg: – Jaaaaa!
Rockaren Eirik opplever enorm støtte i heimbygda og hadde i tillegg til 15 osingar med seg i salen på direktesendinga over 70 venar og supportarar som hadde samla seg i klubbhuset på Kuventræ.
– Når Eirik no hadde kome så langt, og hadde sjansen på å koma inn som topp 10, ville eg at vi skulle legga til rette for at vi kunne sitja ein gjeng saman, seier Kjetil Osabld Grønvigh.
Grønvigh er leiar i Os Rockeklubb og jobbar ved kultureininga i Os kommune. I tillegg er han trommespelar i eit av dei tre banda Søfteland speler med, KingCalling.
– Og det blei jo kjempegøy - ein stor suksess, seier Kjetil.
Over 70 små og store
– Eg er glad vi fekk låna klubbhuset på Kuventræ - og for at det kom så mange store og små sjølv om det ikkje hadde vore særleg annonsert.
Over 70 tok turen til Kuventræ for å følgja Eirik. Og sjølv om rundt halvparten hadde med seg små ungar og gjekk heim i pausen i 21-tida, var det kjempestemning då Eirik blei ropt opp først som ein av dei to som gjekk vidare til finalerundane.
– No må vi laga fleire Idol-vaker, kanskje i aukande skala i takt med Eirik sin suksess. Han kan nå endå lengre, trur Kjetil.
Her ser du stemninga i klubbhuset i går:
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.