Politi | 30. des. 2024
Sjekka for morgonpromille
To gjennomførte promillekontrollar dei siste tre dagane.
Marie Ingeborg Krokamåndag 30. des. 2024 09:06
Mellom klokka 7.30 og 08.20 i dag, måndag 30. desember, sto utrykningspolitiet ved Halhjem ferjekai.
28 bilførarar blei kontrollerte for promille.
– Ingen reaksjonar, seier operasjonsleiar Frode Kolltveit om resultatet i politiloggen.
Også laurdag morgon, 28. desember, var det promillekontroll. Den morgonen sto politiet i krysset mellom Sperrevikvegen og Lyseklostervegen.
Kontrollen varte mellom klokka 08.45 og 10.00.
– 13 førarar blei kontrollert, seier politioverbetjent Christine Jansen Grindstein i ein e-post.
Heller ikkje der fann politiet noko å reagera på.
