Sjekka hamner og hytteområde

Politiet i Os var tysdag på ein runde i fleire hamner og hytteområde i bygda.

– Vi har hatt tjuveri av store påhengsmotorar den siste tida, og vi har smitteverntiltaka, som gjerne gjer at folk ikkje reiser på hytta, seier politioverbetjent Anne Lyssand.

Politiet fann ikkje noko å reagera på, verken teikn til innbrot eller uønskt opphald på hyttene.

– Sjølv om kommunen ikkje vil ha hytteturistar i denne tida, er det ikkje forbode å ta ein dagstur for å sjå til hytta, om du bur i nærleiken.

– Det er òg fint om lokale turgåarar og båtfolk følgjer med og melder ifrå, om dei ser uvedkomande i hamner eller ved fritidsbustadar.

• Midtsiden startar utsending av gratis nyheitsbrev på epost - meld deg på her!