Sjeldne namn no for tida: Øyvind og Ksawery

I ein fersk artikkel på SSB.no fortel statistikkbyrået om uvanlege namn i Noreg - med tal frå i fjor, i 1801 og 1900.

I ei stor oversikt viser SSB kva namn som blei gitt til 10, 9, 8 og ned til 4 nyfødde.

Blant dei mest uvanlege namna (bere gitt til 4 i 2017) finn vi, blant mange andre, desse eksempla:

Jenter: Veslemøy, Vendela, Tasnim, Siena, Ruby, Olga, Mimmi, Marianne, Madikken, Lene, Kanutte, Kaia, Ingunn, Guri, Frøydis, Esila, Elna, Brita, Bjørg, Berit, Augusta og Amen.

Gutar: Øyvind, Valdemar, Tørres, Trond, Sigvart, Sigvald, Sigbjørn, Osman, Narve, Maksim, Kristupas, Ingmar, Hector, Gjermund, Evald, Esten, Domas, Daud, Dante, Dan, Charles, Bryan, Are, Andi og Adomas.

Over 4000 var åleine om namnet sitt

Namneval går i bølgjer. Nybakte foreldre ønskjer ofte å unngå foreldre- og besteforeldre sin generasjon, men hentar gjerne namn frå oldeforeldra si tid. Derfor går det ofte 120 år mellom toppane.

Å gi ungane uvanlege namn er vanleg. I 2017 var det 2.290 jenter og 2.187 gutar som var åleine om namnet sitt.

Uvanlege namn er ikkje eit nytt fenomen, i folketeljing frå 1801 finn SSB òg namn som få nyfødde fekk.

Uvanlege namn frå 1801 (antall personar i parentes):

Jenter: Billa (11), Grissilde (5), Ragla (7), Rosine (6), Vengel (4), Øyan (6), Diis (10) og Blancheflor (10).

Gutar: Bønne (6), Addias (3), Fordel (34), Gjest (4), Nub (19), Offer (7), Uff (6), Wittus (8) og Blostrup (6).

Sjå heile oversikta og fleire uvanlege namn på SSB.no.