Kultur | 12. apr. 2018

Skaatun og Sanden til Vognhallen

Haavard Skaatun og Rune Sanden klare for Vognhallen.

Skaatun og Sanden til Vognhallen
Haavard Skaatun er klar for konsert i Vognhallen (pressefoto)
Andris Hamretorsdag 12. apr. 2018 08:59

Bildeserie:

Rune Sanden tek med seg bandet frå vest-telemark til Os for å spele i Vognhallen (pressefoto)
Rune Sanden tek med seg bandet frå vest-telemark til Os for å spele i Vognhallen (pressefoto)
1 av 1
Rune Sanden tek med seg bandet frå vest-telemark til Os for å spele i Vognhallen (pressefoto)

Under Osdagane inviterer Os Live til konsertar i Vognhallen laurdag 9. juni. Frå før er «Rotlaus» klare. No fortel Tor Egil Hylland at også dei to siste artistane er klare.

– Vi er glade for å kunne presentere Haavard Skaatun og Rune Sanden som dei siste artistane.

– Billettsalet til konserten går fint og det er stor interesse for arrangementet, seier Hylland.

Haavard Skaatun

Haavard Skaatun frå Fusa drog like godt til Nashville, Tennesse for å spele inn sin debut-EP «Living Out Loud». Det gav meirsmak og allereie året etter, i 2015, var han tilbake for å spele inn debut-albumet «Flying in the Free» med ingen ringare enn Erick Jaskowiak bak spakene og nokre av dei ypparste session-musikarane country-hovudstaden har å by på.

Oppfølgjaren «A Viking in Dixieland» valde han å spele inn her heime i Noreg, nærare bestemt i Nidaros Studio i Trondheim. Med seg som produsent hadde han Åge Aleksandersen sin våpendragar Skjalg Raaen.

Skaatun sin musikk kan karakteriserast som både country, country-rock og sørstatsrock då det beveger seg i dette landskapet. Musikkstilen er inspirert av tradisjonell country som Blackberry Smoke står for og meir moderne country-artistar som Eric Church, Brad Paisley og Keith Urban.

Med seg på scenen har han William Rolland (Bass), Reidar Opdal (tangenter), Einar Olsson (trommer) avløyst av Daniel Tveit på nokre konsertar og Tommy Haltbakk (gitar, pedal steele).

Rune Sanden

Rune sanden er kjend for konsertar med smittande speleglede kor publikum ofte syng med frå første tone. Mange har gjentatte ganger spådd Sanden sitt definitive gjennombrot i 2018.

Dei folklege låtane framførast på Treungen-dialekt med tekster det er lett å kjenna seg att i. På debutsingelen «Mykje vil ha meir» beveger han seg i eit gitarbasert pop/rock-landskap, blanda med folketoner frå ein lystig gitar.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.