Skadd hjortekalv låg igjen i vegen

Torsdag klokka 05.47 fekk politiet melding om påkøyrd hjort på E39 Byvegen på Røykenes.

– Meldar fann ein påkøyrd hjort. Det er uvisst kven som køyrde på den, fortel politioverbetjent Anne Lyssand.

Det er ikkje straffbart å køyra på eit dyr, men det er straffbart å ikkje melda ifrå.

Les meir om plikter og tips på vegvesen.no

Viltkontakt blei varsla.

– Kalven låg i vegbanen då eg kom fram. Den blei flytta og avliva, og skal seinare bli henta av Vegtrafikksentralen, fortel Espen Krüger Andersen.