Skadd i mc-ulykke

Ein motorsyklist er frakta til sjukehus med lettare skadar etter ein kollisjon på Søfteland i dag.

Kjetil Vasby Bruarøytorsdag 01. juli 2010 17:34

I 18.10-tida kolliderte ein lett motorsykkel med ein bil ved avkjørsla til Tømmernes på E39 på Søfteland.

- Motorsykkelen skal ha kjørt forbi ein bubil før den krasja i ein bil som skulle svinga av mot Tømmernes, fortel operasjonsleiar Terje Hilland i Hordaland politidistrikt til Midtsiden.no.

Føraren av motorsykkelen, ein 18 år gamal gut, var bevisst då ambulansen kom fram, men klagde over smerter i mageregionen og blei frakta til Haukeland Universitetssjukehus for sjekk.