Sport | 25. sep. 2019

Skadd i sykkelvelt i Tyskland

Sverre Lunde Pedersen køyrd til sjukehus i ambulanse.

Skadd i sykkelvelt i Tyskland
Sverre trener mykje på sykkel. No er han skadd i ein velt. (Foto: Kristian Vårvik)
Kjetil Vasby Bruarøy
Kjetil Vasby Bruarøyonsdag 25. sep. 2019 13:21

Simen Spieler Nilsen og Sverre Lunde Pederesen velta på sykkel under trening i tyske Inzell tysdag. Farten var høg og dei to fekk eit hardt møte med asfalten.

Spieler Nilsen blei henta i luftambulanse og frakta til sjukehus i Traunstein, Lunde Pedersen blei henta av ambulanse og køyrd til lokalsjukehus i Trien.

– Sverre Lunde Pedersen er kraftig forslått og har fått store skrubbsår, men har ingen påviste brot eller alvorlege skadar, opplyser sportssjef Lasse Sætre.

Sverre blir skriven ut frå sjukehus i dag, og er venta tilbake i fullt slag. Men først får han eit par rolege veker.

Sesongstart om 7 veker

Spieler Nilsen har gjennomgått fleire undersøkingar og testar, og blir sjekka vidare i forhold til ein smell i ryggen og ein lettare hjernerystelse. Det er rekna med at han blir skriven ut torsdag eller fredag.

– Han har det etter forholda bra. Skader er dessverre ein del av idretten, men dette er trist, spesielt for Simen, som fekk fjorårssesongen øydelagt av skader.

Landslaget kom til Tyskland etter eit fysisk hardt opphald i Portugal.

Verdscupen startar i Minsk 15. november.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.