Lokal | 24. juni 2018

Skal du gifta deg i sommar?

Lesarinnlegg: Du har vel ikkje gløymt Skatteetaten før bryllaupet?

Skal du gifta deg i sommar?
Jørgen Sperle i Skattetaten fortel at ein no kan søkje prøvattest på nettet (foto: Skattetaten)
Andris Hamresøndag 24. juni 2018 08:40

Det er mange detaljar som skal på plass før du kan gifte deg. Mellom anna må du ha ein såkalla prøvingsattest. No kan du ordne dette raskt og enkelt på skatteetaten.no.

Vi har nemleg lansert ei ny, digital teneste som gjer at de raskare får prøvingsattesten som de treng for å formelt kunne seie ja til kvarandre.

Det er berre å logge seg inn via skatteetaten.no, fylle ut skjema og gi beskjed til forlovarar eller vitne. Etter at dei har signert elektronisk, er attesten de treng tilgjengeleg i Altinn.

At det stort sett går så kjapt, betyr ikkje at det er lurt å vente til aller siste liten. I enkelte tilfelle kan det være behov for manuell oppfølging frå vår side, noko som betyr litt lenger behandlingstid. Attesten er gyldig i fire månader, så dette er uansett noko de kan krysse av lista i god tid før bryllaupet.

Foreløpig er det berre par der begge har norsk personnummer som kan søke om prøvingsattest digitalt, men vi jobbar med saka. Snart vil også utanlandske statsborgarar kunne bruke den nye løysinga.

Etter at bryllaupsfeiringa er over, og de formelt er blitt gift, får vi i Skatteetaten melding om det, registrerer ekteskapet og de får vigselsattesten i posten.

Då gjenstår det berre for oss å ønskje lykke til med bryllaupsdagen og framtida!

Jørgen Sperle,
seksjonssjef for folkeregister i Skatt vest

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.