Skal ha blitt slept inn i skogen og utsett for valdtekt i 2004

Mannen som blei pågripen i desember, og fekk forlenga varetekt i fleire rundar gjennom vinteren, er no tiltalt for overfallsvaldtekt i Os ei augustnatt i 2004, ifølgje BT.no.

DNA tatt etter at han blei meldt i ei anna sedelegsak i oktober 2018 kopla han til den snart 15 år gamle saka.

• Les òg: Påstår at det var frivillig sex (februar 2019)

Løfta og slepte ho med seg inn i skogen

Dei to skal tilfeldigvis ha møtt kvarandre ved fotgjengarfeltet på Byvegen, mellom Giskavollen og Holtbrekka.

Der skal tiltalte, som no er 57 år, ha tatt tak i den unge kvinna, som då var 18-20 år) og slept ho med seg inn eit skogholt i nærleiken, og halde ho fast mens han valdtok henne.

Mannen nektar ifølgje BT straffeskyld.