Skal halda 22 konsertar på 30 dagar
Aurora legg opp til nokre korte og raske steg tilbake til normalen.
«This little fairy have been living comfortably within her nest for a little while now» skreiv Aurora på Instagram 23. september.
Neste konsert på liveprogrammet er ifølgje heimesidene i USA i november. Frå 14. til 18. november spela tre konsertar i Terminal 5 i New York og Mayan Theatre i Los Angeles.
Etter nyttår blir det travlare.
Neste planlagde konsert er i Milano i Italia først 13. og 14. februar, men då skal det til gjengjeld gå unna.
Turen går vidare til Belgia, Frankrike, Nederland, Sveits, Tyskland, Tjekkia, Polen, Danmark og Sverige - i alt 14 konsertar på 3 veker.
Etter 20 dagar «pause» startar ein tett, britisk turné med 8 konsertar i 8 ulike byar på 10 dagar i England, Skottland og Irland.
Ingen kur
I sommar, onsdag 7. juli, kom ho med singelen «Cure for Me» med tilhøyrande sleppefest via Youtube dagen etter.
Her er musikkvideoen:
Ho har dansarar med seg i videoen på fengande låten.
Sjølv scenedebuterte Aurora med dans, ikkje song, då ho med medelevar frå Patricia Langeland sin klasse på Os kulturskule i 2011 tok seg til UKM-finale med framsyninga «Ghost».
Låten, som handlar om homoseksualitet og å vera den du er, er allereie spelt over 12,9 millionar gongar på Spotify.
Midtsiden har ikkje lykkast med å få kontakt, via management, med Aurora i denne omgang.
Ho var sist å høyra i Os då ho overraska ungdomsskuleelevar med gratiskonsert i skulegarden.
Aurora har over 10,6 millionar månadlege lyttarar på Spotify, 3,5 abonnentar på Youtube, 2,1 millionar følgjarar på Instagram, 552.000 på Facebook og 215.000 på Twitter.
