Skal spela konsert i havgapet

Bildeserie:

1 av 2

Tidlegare i haust blei det kjent at verdas raskaste seglskip, Statsraad Lehmkuhl, tar turen langs kysten frå Bergen til Trænafestivalen, som i 2017 blir arrangert 6. til 9. juli.

No er Aurora blitt presentert som ein av dei som skal spela under Trænafestivalen i 2017.

Blant dei beste i Europa

Trænafestivalen har sidan 1978 blitt arrangert på Træna, 33 nautiske mil til havs, og frå 2003 har festivalen vakse seg stor. I 2012 blei den kåra til den beste festivalen i Noreg og den har vore på The Guardian si topp 10-liste over den beste festivalen i Europa.

Astrid S og Matoma var blant namna på plakaten i fjor, OnklP & De fjerne slektningene og Bjørn Eidsvåg spelte på Træna i 2014.

Trænafestivalen inkluderer fleire aktivitetar, som padling, yoga, fjellklatring, fridykking og Trænathlon, og skaper store økonomiske ringverknadar for bedriftene i lokalsamfunnet.

Programmet til neste Trænafestival byrjar så smått å forma seg og bookingsjef Erlend Mogård-Larsen meiner publikum kan venta seg tidenes konsertprogram på Træna til sommeren!

Så langt er desse artistane sleppt: Sushi X Kobe, Oslo Fagottkor og Klubb Seksuell.

Tett program før og etter jul

Aurora er for tida i USA og speler i Los Angeles både i morgon og måndag.

Turen går vidare nordover langs kysten, til Portland, Seattle og Vancouver i Canada før heimreise og konsertar i Halden, Oslo og Drammen før jul.

I januar står Singapore, Sidney og fleire byar i Australia for tur.