Skåra 10 mål i går

– Pia og Anna er garantistar for mange mål. Dei har høgt toppnivå, men òg høgt botnnivå, sa trenar Emil Fjær etter førre kamp.

I går tok Os sin 10. siger på rad. Borte mot Bønes blei det 29-32 (16-21), og Os held seg med andre ord på 2. plass på tabellen.

Anna Bjørke Kallestad skåra 10 mål i kampen, Pia Kjelsrud Johansen skåra 9 (8 + 1 frå 7 meter).

• Anna er 1 mål bak toppen på toppskårarlista i avdelinga - med 2 kampar mindre spelt. Ho ligg på 2. plass med 82 nettkjenningar, 1 av dei frå 7 meter. Snittet på 7,5 mål per kamp (!) er òg nest best.
• Pia ligg på 4. plass med 78 mål (63 + 15) og eit snitt på 6,5 per kamp.

Kampen i går var jamn fram til 10-11, så drog Os ifrå til 10-16 og heldt seg framfor kampen ut.

Tre spelarar hadde tre mål kvar mot Bønes i går; Marie Storum Vik, Emilie Hjertnes Halhjem og Emma Yael Husebye.

Neste kamp skulle gått heime mot Årstad allereie laurdag, men denne er utsett til 3. mars.

Neste kamp no er borte mot Florø laurdag 3. februar.