Skåra sitt første eliteseriemål

Osingen Samson Bjørke Kallestad (18) skåra sitt første mål i eliteserien då FyllingenBergen knuste Falk Horten søndag.

Samson Bjørke Kallestad (18) skåra sitt første mål i eliteserien for FyllingenBergen i Sotra Arena søndag ettermiddag (foto: Andris Hamre)
Andris Hamresøndag 19. feb. 2017 21:43

Framfor 1700 tilskodarar i Sotra Arena på supersøndag med dobbeltkamp mellom FyllingenBergen - Falk Horten og Tertnes - Byåsen satte tidlegare Os-spelar Samson Bjørke Kallestad inn sitt første mål i Grundigligaen, og det på første forsøk i kampen.

Vertane frå FyllingenBergen viste tidleg at dei var hakket vassare enn gjestane frå Horten. I løpet av dei første tjue minutta hadde gjestane berre skåra fire mål mot FyllingenBergen sine 14. Med god kontroll vidare utover i kampen lot FyllingenBergen-trenar Vidar Gjesdal ungguttane med blant anna 18-åringen Samson Bjørke Kallestad sleppe til.

Og unggutane gjorde seg ikkje vekk. Etter berre eit minutt på banen kom Bjørke Kallestad til sjansen og lurte ballen inn bak Falk Horten-keeperen.

– Eg såg ikkje at den gjekk inn og var på veg heim i forsvar, då eg oppfatta at eg hadde skåra.

– Det var utruleg kjekt å få det første Grundigliga-målet, og det på første sjanse i desse flotte rammene som var her i dag. Det er kjekt med så mykje folk og god stemning som i dag, seier Bjørke Kallestad til Midtsiden etter kampen.

FyllingenBergen vann tilslutt 31-16, med samtlege utespelarar på skåringslista.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.