Geir Storetvedt Skaten (24:24) og Solveig Sandvik Tveiten (27:50) vann Osløpet og sette med det løyperekord i den nye versjonen av det tradisjonsrike løpet. (Foto: Kjetil Vasby Bruarøy)

Skaten og Tveiten vann Osløpet

Sjå stor bildeserie og fleire resultat frå det 6,6 km lange løpet rundt Os sentrum.

image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Etter barneløp og stafett var det, for første gong på over ti år, start for Osløpet 6,5 km.

Deltakartalet auka fram til start klokka 14, og då sto 66 deltakarar klare.

• Sjå endå fleire bilde på Facebook.com/Midtsiden.

– Eg hadde ikkje trudd eg skulle få sjanse til å sleppa frå, men vi hadde full kontroll, så då var det berre til å få på seg skoa, seier medarrangør William Lindborg frå Os Sentrumsforening.

Den spreke medarrangøren var høfleg nok til å sleppa andre opp på pallen, men tok ein fin 4. plass uansett klasse.

Topp 3, herrar, uansett alder:
1. Geir Storetvedt Skaten (Gular) 24:24 (løyperekord)
2. Hallvard Rosvold (Opptur Motbakkeklubb) 25:49
3. Stian Bråten Johannessen (Lysekloster il) 26:20

Topp 3, kvinner, uansett alder:
1. Solveig Sandvik Tveiten 27:50 (løyperekord)
2. Cecilie Hagen (Opptur) 29:50
3. Ingebjørg Igland 32:09

Sjå komplett resultatliste og vinnarar per klasse i bildeserien over eller på eqtiming.no

– Vi har nådd ein milepæl, det er første gong vi har hatt livereultat på lufta med det same løpet er over. Vi hadde backupsystem, men EQ Timing fungerte som det skulle, seier Bjørn Michelsen frå Os Turn friidrett.

– Fin og hard løype

Geir S. Skaten vann både første Liafjellet Opp, for drygt 10 år sidan, første Linken Opp (2016) og første Ulvenvatnet Rundt, tidlegare i år.

– Det passa ikkje å reisa vekk denne helga, så det var veldig kjekt med eit lokalt løp. Løypa var fin og ganske hard, men passa oss motbakkeløparar godt, då det var ein del stigingar. Arrangementet va også veldig bra gjennomført, synest Skaten.

Han tok tidleg leiinga og ei god luke, og kunne nærmast velja kva fart han skulle legga seg på.

– Men bakken opp frå Solstrand er tøff, og ned Hatvikvegen er det for bratt til at du får henta inn igjen farten du mister i motbakkane. Dermed blir det ikkje særleg god tid per kilometer.

Fleire saker