Skiftar namn - men held på namnet
Osbadet består, men selskapsnamnet er av «tekniske» årsaker endra.
Os kommunestyre stadfesta tysdag at Osbadet KF, organisasjonsnummer 990147493, skiftar namn til Os Idrettspark KF.
– Osbadet er og forblir Osbadet, men førre selskapsnamn har blitt upraktisk, då vi no driftar så mykje meir enn svømmeanlegget, seier dagleg leiar Torbjørg Brattabø.
Særleg når det kjem til rapportering, kan Osbadet KF, som òg driftar dei tre hallane, vera forvirrande for mottakar.
Samtidig er både dagleg leiar, og Espen Aspenes (Frp), opptatt av at namnet Osbadet skal brukast vidare. Namnet er godt innarbeidd i og utanfor Os, noko som var hovudargumentet til Aspenes.
Han kom med følgjande tillegg til vedtaket:
«Os kommunestyre ber Os Idrettspark til å fortsatt framheva merkevara Osbadet i sitt framtidige marknadsarbeid.»
Innstillinga frå administrasjonen, med tillegget frå Aspenes, blei vedtatt.
Spennande? Vil du ha ukas høgdepunkt i innboksen?
Les meir om
Tilgang til alt innhald for berre 145 kr i månaden
Di støtte gir liv til lokalavisa vår. Vi set stor pris på om du hjelper oss å spreia nyheitene!
- Tilgang til alt innhald
- Under 37 kr/veka
- Utan bindingstid
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.