Amgad Faiyoumi fortel at eit godt skjegg treng både pleie og omsorg. (Foto: Kjetil Osablod Grønvigh)

– Skjegget treng omsorg

Amgad Faiyoumi er mannen bak K-Star Barbershop i Brugata - no kan du lena deg godt attende og la han ta skjegget for deg.

image
image
image
image
Av: Kjetil Osablod Grønvigh

Plassert i dei tidlegare frisør-lokala mellom NAV og Dysvik i Brugata har det dukka opp eit ekte «manne-tilbod»

K-Star Barbershop har no vore open i nokre veker, og her kan du i tillegg til «vanleg» hårklipp få deg fleire typar barbering og stell av skjegget.

Skjegg treng god pleie og omsorg

Amgad Faiyoumi er frå Palestina, men har budd i Noreg sidan 2008. Han har fagbrev som frisør og barberar.

– Eg har jobba i 13 år som barberar, og no ville eg tilby ein stad i Os kor menn kan komma og ta skjegget eller få det pleidd. Eit godt skjegg treng faktisk ein god del pleie og omsorg, fortel Faiyoumi.

I tillegg til behandling i salongen sel Faiyoumi ei rekke skjegg-pleiande produkt.

Tek skjegget med kniv

Hos Faiyoumi vert det barbert med kniv, og ja, du får varme handklede i andletet. Akkurat som på film.

Om du vil behalda skjegget, kan du få det gradert- og med knivskarpe konturar.

Og har du som artikkelforfattaren; hår litt her og der i andletet, kan du prøva hårnapping med tråd.

Dette gjer at håra ikkje kjem attende endå større neste gong, seier Faiyoumi.

Fleire saker