Lokal | 30. apr. 2019

Skodde skaper problem

Både ferjer og flytrafikk er ramma.

Skodde skaper problem
MF «Færøy» til kai på Halhjem. (Ill. foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytysdag 30. apr. 2019 07:40

Torghatten, som grunna tekniske problem hadde kanselleringar mellom Halhjem og Sandvikvåg både torsdag, fredag, søndag og mandag, er i dag hindra av skodde.

«Alle avgangar er kansellerte inntil vidare» meldte dei klokka 08.25 i dag.

«Flatøy har akkurat komt seg inn til Sandvikvåg etter ein halvannen times overfart. Færøy ligger å venter, mens Samnøy siger sakte mot Sandvikvåg» skriv ein trafikant på Facebook-sida Fergefart i Hordaland.

Skodda har òg skapt problem på Flesland.

– Nett no er det ingen fly som får letta eller landa, sa Cathrine Fremholt frå Avinor til BT tidlegare tysdag morgon.

Det er venta at skodda skal letta utover formiddagen.

OPPDATERT: Klokka 12.16 melder Torghatten at dei no går i normale ruter igjen, men at det kan vera nokre forseinkingar som følgje av skodda tidlegare i dag.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.