Torsdag klokka 08.11 varsla Torghatten om kansellering av alle avgangar i sambandet Halhjem-Sandvikvåg.
Årsaka var tett skodde.
Klokka 09.56 kom melding om opning av sambandet igjen, men at reisande må rekna med nokre forseinkingar utover dagen.
I ettertid skal det ha vore nokre som ikkje ville stå i kø.
– Rundt klokka 10.30 kom det melding om bilar på veg til Bjørnen som la seg i motsett køyrefelt for å koma forbi køen mot ferjekaien og vidare, fortel politiførstebetjent Thomas Juulseth.
Det blei ikkje sendt patrulje til staden.
Ifølgje Google Maps si trafikkovervaking er det i skrivande stund ikkje lengre kø enn frå rundkøyringa og ned på kaien.
På Fjord1.no ser det ut som om Halhjem-Våge og Hatvik-Venjaneset har gått som normalt gjennom morgonen.