Politi | 06. okt. 2023
Skreiv ut 14 forelegg på vekta
UP sto med laseren i 70-sona på Halhjemsvegen i går.
Kjetil Vasby Bruarøyfredag 06. okt. 2023 08:31
Torsdag i 11-tida stilte utrykningspolitiet seg opp med laser på E39 Halhjemsvegen.
I 70-sona forbi vekta målte dei mange fartssyndarar, i alt 14 forelegg blei skrive ut.
– Høgaste målte fart var 90 km/t, fortel politioverbetjent Christine Grindstein.
Det fører til 6.700 kroner i forelegg og to prikkar på førarkortet.
To av bilistane blei tatt for handhalden bruk av mobiltelefon, og må ut med 9.700 kroner kvar.
Tidlegare på dagen, frå klokka 08 til 09.45, hadde UP promillekontroll på Halhjem ferjekai.
70 trafikantar blei kontrollerte utan at politiet fann noko å reagera på.
