Skremte gut på sjøen
Hamnesjefen gjekk til angrep på gut i gummibåt. Det endte med at guten ramla ut av båten i fart.
Torsdag ettermiddag litt før klokka 16 byrja det som i starten var ein vanleg scene i Os hamn: Ein ung båtførar i ein liten båt blei jaga av knoppsvana som forsvarer revir i og rundt Oselvo.
Men så blei det meir dramatisk.
– Guten i båten gav full gass og Hamnesjefen letta. Svana tok båten igjen og flaug rett i ryggen på guten, fortel vitne John Lepsøy.
Svana bruker vengene til å slå med, men det skal også ha sett ut som om han gjekk til angrep med nebbet.
– Den unge båtføraren har truleg mista grepet på påhengsen, for båten gjorde ein brå sving og guten fauk rett i sjøen, fortel Lepsøy.
– Han skal vera glad for at han brukte dødmannsknapp, elles kunne han blitt påkjørt av eigen båt.
Vitnet fortel at det skal ha sett ut til å ha gått bra med guten, og at Hamnesjefen gav seg då guten låg i sjøen.
– Men det var litt av eit syn, seier John Lepsøy.
Spennande? Vil du ha ukas høgdepunkt i innboksen?
Les meir om
Tilgang til alt innhald for berre 145 kr i månaden
Di støtte gir liv til lokalavisa vår. Vi set stor pris på om du hjelper oss å spreia nyheitene!
- Tilgang til alt innhald
- Under 37 kr/veka
- Utan bindingstid
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.