Kultur | 05. apr. 2019

Skrift i lys når Bodil Friele returnerer til Vedholmen i morgon

«Lodda siger inn på Vågen» er inspirert av kryptiske meldingar frå London.

Skrift i lys når Bodil Friele returnerer til Vedholmen i morgon
Bodil Friele opnar i morgon utstillinga «Lodda siger inn på Vågen». Dette er hennar fjerde utstilling på Vedholmen Galleri. (Foto: privat)
Kjetil Osablod Grønvigh
Kjetil Osablod Grønvighfredag 05. apr. 2019 10:35

Bildeserie:

Lysinstallasjonane til Friele inneheld meldingar frå andre verdskrigen. (Pressefoto)
Lysinstallasjonane til Friele inneheld meldingar frå andre verdskrigen. (Pressefoto)
Bodil Friele under monteringa av utstillinga tidlegare i veka. (Foto: privat)
Bodil Friele under monteringa av utstillinga tidlegare i veka. (Foto: privat)
1 av 2

Bodil Friele er i morgon neste kunstnar ut med utstilling på Vedholmen Galleri. Før henne var det Hilde Kjønniksen og «Skottegaten - Maleri».

Galleriet i Øyane kunne før jul fortelja at dei har planlagt 10 ulike utstillingar i 2019.

Uvisst kva dei betyr

Friele har stilt ut på Vedholmen tre gongar før, og skal denne gongen visa fram lysinstallasjonar.

Tekstane i innstallasjonane er henta frå Toralv Øksnekvads meldingar frå London til norske motstandsfolk under andre verdskrigen.

I dag er det uvisst kva dei desse meldingane betyr.

Det som har fanga Friele si interesse, er kva desse surrealistisk poetiske, absurde og uforståelege utsagna representerer.

Friele har jobba lenge med teamet andre verdskrig - far hennar var RAF-pilot, og hamna sjølv i tysk fangenskap under krigen.

Skrift i lys

Tekstane er behandla visuelt av Friele, og saman med hennar abstrakte maleri, dannar dei ein ny heilskap i tid og rom.

Dette ser du òg om du ser på det frå ein kunsthistorisk ståstad - skrift i lys har vore nytta i «Pop-art», politisk kunst og generell samtidskunst frå 70-talet.

Utstillinga vert opna av dagleg leiar ved Litteraturhuset i Bergen, Kristin Helle-Valle.

«Lodda siger inn på Vågen» kan du sjå på Vedholmen Galleri fram til 28.april.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.